بلدياتنا قاعد عالشط شاف واحد بيغرق
كل ما يرفع ايده يقوله
عليكم السلام
--
واحد و مراته بيكرهوا بعض
مسافرين بالعربية
عدوا على مزرعة بقر قالها:
يقربولك دول؟
قالتله : أيوة أهل جوزى
--
بلدياتنا قاعد يمتحن جاله سؤال ضع إن فى جمله كتب
اشتريت تيلفون إن سبعين
--
مدرسة روضة قالت لتلميذ عد لخمسة و أديك بوسة ...
راح قالها طب أعد لعشرة و نسهر سوا
--
اتنين مساطيل واحد بيقول للتانى هو لو خنتك مع مراتك نبقى نسايب قاله لا
نبقى خالصين
--
بلدياتنا روح قفش مراته مع واحد .. راح ساحب
سكينة و راح يقتله .. لقى الراجل بيقوله استنى ... احنا الكاميرا الخفية
مات الراجل على روحه من الضحك و قال : مش ممكن يا جماعة , دى خامس مرة
تعملوها فيا و متذيعوهاش
محشش
شاف واحد صاحبه عنده حسنة فوق عينه ... قاله ايه دى ؟؟ عين ولا غين
--
راجل صحى من النوم على صويت و زعيق ... سأل الجيران فيه
ايه .. قالولو الميه مسمومة ...صحيت مراته قالتله فيه ايه .. قالها ولا
حاجة اشربى و نامى
--
واحد غبي ركب العربية بالليل و لقى الدركسيون و الفرامل
مسروقين ... فراح القسم وعمل محضر سرقة ... تانى يوم الصبح راح لاغى المحضر
ليه؟؟؟؟؟؟؟؟ إكتشف انه كان راكب ورا
واحده قالت لجوزها بمناسبه 25سنه على جوازنا ادبح
خروفين قالها وايه ذنب الخروفين فى غلطه ارتكبها الحمار
سواق قتل 60 واحد في حادثة.... لما سأله
الظابط ليه قتلتهم؟ قال له كنت ماشي وبعدين فجاة العجلة ضربت منى ..ولقيت
على يميني فرح وعلى شمالي راجلين ... ادخل في مين ؟ قاله الظابط ادخل في
الراجلين.. قاله م انا دخلت في واحد والتاني دخل الفرح .... اسيبه
--
واحد قفش مراته مع صاحبه فقتله, قالتله : غبى وبغباوتك دى هتخسر كل صحابك
--
شرطي بلدياتنا في الخدمة لقى قرد في الشارع وداه للضابط المسؤول عنه وقاله :
يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي ساعتين ورجع هو والقرد ، الضابط بيسأله ايه الي رجعك ؟
قاله يا باشا وديته على حديقة الحيوانات ، تحب أخده دلوقتي أفسحه في
الملاهي
--
مره دكتور مجانين دخل على العيانين بتوعوا العنبر
لقاهم معلقين واحد مكان النجفه بيلفوا حوليه وبيغنوا النور جه النور جه
ولقى مجنون قاعد ساكت لوحده فقله الدكتور انت مش فرحان زييهم بالنور ليه
قاله يادكتور طيب دوول مجانين حد يعمل كده برده قاله كويس يعني انت عاقل
قاله طبعا قاله طيب ليه مش خليتهم ينزلوه رد عليه المجنون كده برده يا
دكتور يعني ننزله ونقعد في الضالمه
--
مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها
السبت أبريل 03, 2010 3:53 pm